Axar.az
Yuxarı

İpoteka ilə bağlı hansı dəyişikliklər gözlənilir?

Ana səhifə İqtisadiyyat
12 Punto 14 Punto 16 Punto 18 Punto

Mərkəzi Bankın ipoteka kreditləri şərtlərinin sadələşdirilməsi ilə bağlı prosesi sürətləndirməsi təqdirəlayiqdir.

Bunu Axar.az-a iqtisadçı alim Vüqar Bayramov deyib. Ekspert bildirib ki, şərtlərin sadələşdirməsində məzənnənin nəzərə alınmasına ehtiyac var:

"İpoteka kreditləri üzrə faiz yüksək, şərtlər kifayət qədər ağırdır. Hesab edirik ki, ipoteka ilə bağlı bu sadələşmələr nəzərə alınmalıdır: Birincisi, ilkin ödənişlə bağlı şərtlər yumşaldılmalıdır. Mövcud qaydalara əsasən, ən azı 20 faiz ilkin ödəniş həyata keçirilməlidir. Ancaq bu rəqəmin ən çoxu 20 faiz olmasına ehtiyac var. Çünki bəzi banklar 40, hətta 50 faiz ilkin ödəniş tələb edirlər. İkincisi, İpoteka Fondu yanında İpoteka Zəmanət Fondu da formalaşdırılmalıdır ki, ilkin ödənişi ödəmək imkanı olmayanlar 100 faiz kredit götürə bilsinlər. Üçüncüsü, rayonların ipoteka kreditlərindən istifadəsi ilə bağlı tavan müəyyənləşməli, növbəti dövr üçün ayrılan vəsaitlərin ən azı 50 faizi rayonların payına düşməlidir.

Dördüncüsü, elektronlaşma davam etdirilməlidir ki, vətəndaş daha az prosedurlarla ipoteka krediti ala bilsin.

Eləcə də qiymətləndirmənin prosesə cəlb edilməsi bankların öz maraqlarına uyğun olaraq qiymət şişirtmələrinin qarşısını alacaq".

V.Bayramov bankların birləşdirilməsinə də münasibət bildirib:

"Prosesi davam etməlidir. Çünki Azərbaycanda bankların sayı ilə bağlı standartlar yoxdur və digər ölkələrlə müqayisədə daha çoxdur. Qazaxıstanda cəmi 35 bank fəaliyyət göstərir, baxmayaraq ki, bu ölkənin iqtisadiyyatı daha böyükdür. Konsolidasiya prosesi şəffaf olmalı, banklarda monopoliyaya gətirib çıxarmamalıdır. MB çalışmalıdır ki, zəif bankların konsolidasiyası bu sektorda rəqabəti boğmasın, əksinə gücləndirsin. Növbəti dövrlərdə də bankların mərhələli birləşməsi həyata keçiriləcək".

Qeyd edək ki, Azərbaycan Mərkəzi Bankının sədri Elman Rüstəmov ən geci gələn aydan ipoteka kreditlərinin yeni əsasda veriləcəyini açıqlayıb. Bank sədri bildirib ki, Maliyyə Nazirliyi tərəfindən ipoteka kreditlərinin güzəşt və kommersiya hissələrinin genişləndirilməsi üzərində işlər aparılır.

Tarix
2016.01.27 / 10:26
Müəllif
Aygün Yusibova
Şərhlər
Memorial Zefer
Digər xəbərlər

Neft həftəni bu qiymətlə yekunlaşdırdı

Bakı və Ankara iqtisadi tərəfdaşlıq sənədi imzaladı

Bakı nefti 126 dollara yaxınlaşır

Neft ucuzlaşdı

Azərbaycanda qazın qiyməti heç nədir - Nazir

Kapital Bank “Maliyyə lizinqi” məhsulunu təklif edir

Cabbarov Davos forumundan yazdı

Azərbaycanda rublun məzənnəsi 3 qəpiyi keçdi

Neft bahalaşdı

Bu məhsullara ƏDV-dən azad edildi - Siyahı

KULT
<>
Xəbər xətti
Axar.az'da reklam Bağla
Reklam
Bize yazin Bağla