Tailandın ən məşhur silsilə qətllər törədən şəxsinin - Si Queyin qorxunc mumiyası Banqkok şəhərindəki muzeydə sərgilənir.

Axar.az xəbər verir ki, uşaq qatili kimi məşhurlaşmış Si Quey ölü ikən belə cəzasını çəkməyə davam edir. 1944-cü ildə Tailanda köçən çinli köçkün müdafiəsiz uşaqları öldürərək bir sıra cinayət törədib. O, 6-dan çox uşağın ürəyini, böyrəyini çiy-çiy yeyib. 1950-ci ildə həbs edilən cani cinayətlərinin onu "ölümsüzləşdirərək gücləndirdiyini" deyib.

Ruhi xəstə olan Si Quey asılaraq edam edilib. Bundan sonra qatilin ölüsünün belə rahat olmasını istəməyən Tailand hökuməti Si Queyin bədənini parafinlə mumiyalayaraq bu tip cinayətlər törədən qatillərə nümunə olması üçün muzeydə sərgiləməyə başlayıb.

Si Queyin mumiyası hazırda Banqkok şəhərində "Ölüm muzeyi"ndə saxlanılır.