Ana səhifə Kult |
Boluda millət vəkili Qənirə Paşayevanın “Qarabağ hekayələri” kitabının Türkiyə türkcəsində təqdimatı və imzalanma mərasimi olub.
Axar.az xəbər verir ki, millət vəkili kitabı hazırlamaqda əsas məqsədinin Türkiyə və ondan kənarda yaşayan türk diaspor təşkilatlarına Qarabağ həqiqətləri ilə bağlı daha geniş bilgi vermək olduğunu bildirib.
Ermənistanın mülki azərbaycanlılara qarşı törətdiyi cinayətlərdən danışan Q.Paşayeva beynəlxalq təşkilatların ikili standart və ədalətsizliklərini xüsusilə qeyd edib:
“Təəssüf ki, BMT TŞ, AŞPA və digər beynəlxalq təşkilatlar qəbul etdikləri qətnamələrin yerinə yetirilməsi istiqamətində Ermənistana heç bir təzyiq göstərmirlər. Ermənistan ön cəbhədə mülki insanları hədəfə alaraq qətlə yetirir, insanların evlərini dağıdır. Bu cür insanlıqdan kənar əməllər, cinayətlər Ermənistan xislətinə xas addımlardır, amma Azərbaycan və ordusu işğalçılara layiq olduqları cavabı verir”.
Kitabda yer alan bir-birindən dəyərli hekayələrin Azərbaycanın haqq səsini öncə qardaş Türkiyədə və türk dünyasında, sonra da bütün dünyada əks etdirəcəyinə ümid etdiyini deyən millət vəkili mərasimə qatılanların Qarabağ mövzusu ilə bağlı suallarını da cavablandırıb.
Qeyd edək ki, “Qarabağ hekayələri” kitabı XX əsrdə dünyanın gözləri önündə tarixin canlı olaraq qeyd etdiyi ən qanlı, ən ağır soyqırıma, qətliamlara məruz qalan, minillik ata yurdlarından didərgin salınan Azərbaycan türklərinin ağrı-acılarını əks etdirir.
Tarix
2017.03.11 / 15:11
|
Müəllif
Aygün Yusibova
|