İyunun 30-da Tasçen Nəşrlər Evi çağdaş çinli rəssam, memar və heykəltəraş Ay Veyveyin həyat və yaradıcılığından bəhs edən kitab buraxacaq.

Axar.az məlumat verir ki, üz qabığı mərmərdən olan 700 səhifəlik monoqrafiyada rəssamın siyasi fəaliyyəti dövründə yaratdığı əsərlər, o cümlədən heç vaxt sərgilənməyən 200-dək əl işi göstərilib. Bundan başqa, oxucular ilk dəfə olaraq Veyveyin Nyu Yorkdakı emalatxanasını da görəcəklər. Qiyməti 12 min dollar olan kitabı alana rəssamın kitabının printləri əks olunmuş şərf də hədiyyə veriləcək.

Qeyd edək ki, Ay Veyveyin yaradıcılığında demək olar ki, bütün konsepsiya etiraz üzərində qurulub. Onun sənət fəlsəfəsi tez-tez konstruktivizmin "yeni dünya"sının utopik ambisiyalarından qaynaqlanır.