Yuxarı

Aybəniz Haşımova: “Atam anamı 7 dəfə qaçırdıb” - Video

Ana səhifə Kult
12 Punto 14 Punto 16 Punto 18 Punto

"Baxmayaraq ki, ailəmizdə qanunlar sərt idi, mən çox sərbəst böyümüşəm".Bu sözləri APA TV-nin "Kimsən sən" verilişinin qonağı olan Azərbaycanın əməkdar artisti Aybəniz Haşımova qızı Aynişanla söhbətində deyib.

Müğənni xoşbəxt uşaqlıq illərini həvəslə xatırlayır: "Bəlkə də bütün dünyanı axtarsaydılar, mənim qədər xoşbəxt uşaq tapmazdılar. Uşaqlıq həyatımı rəssam kimi tabloya çəksəm, hər kəs həsəd aparar. Çünki hamı məhz elə bir uşaqlıq yaşamaq arzusundadır".

Aybəniz Haşımova uşaqlıqda müğənni olmaq istəmədiyini gizlətməyib: "Mən sadəcə yaxşı təhsil almaq istəyirdim. Müğənni olmaq fikrim yox idi. Arzum ali təhsil alıb prokuror olmaq idi. Ancaq o zamanlar Heydər Əliyev mənim səsimi eşidib dedi ki, onu Bakıya oxumağa gətirin. Amma evdən buraxmadılar. Mən də bir həftə yemək yemədim, hamıdan küsdüm. Ancaq sonda ailəm razılaşdı və mən Bakıya gəlib, ən yaxşı müəllimlərdən dərs aldım".

Əməkdar artist hamıya inanmağının zəif cəhəti olduğunu və buna görə bəzən peşmançılıq çəkdiyini deyib: " Mən hamını yaxına buraxıram. Onun dərdi-səri, xeyri-şəri hamısı mənimdir. Məncə, doğrusu da elə budur. Saxtalığı sevmirəm. İnsan mənim üçün ya var, ya da yoxdur. Yalandan gülməyi bacarmıram. Amma bir müddət sonra insanların əsl siması açılır. Buna görə əsəbiləşirəm. Düşmənim yoxdur. Hamımızın adı bəlli olan bir düşmənimiz var. Sadəcə, məni istəyib-istəməyən var".

Əməkdar artist "Eurovision" mahnı müsabiqəsində Azərbaycanı qızı Aynişan Quliyevanın yox, tələbəsi Fərid Məmmədovun təmsil etməsinə də münasibət bildirib: "Aynişan seçim turuna öz istəyi ilə qatılmışdı, mənim yox. Ona görə də müsabiqəyə Fərid getdi".

Sonda valideynlərini yadına salan Aybəniz Haşımova atası ilə anasının çətin baş tutan nikahından danışıb: "Valideynlərimin hər ikisi bəy övladı olub. Atam o qədər yaraşıqlı kişi idi ki, anamı ona vermirdilər. Babam deyirmiş ki, yaraşıqlı kişinin macəraları çox olur. Atam anamı 7 dəfə qaçırdıb. Axırda babamgil və anam insafa gəlib və toyları olub".

Tarix
2013.11.27 / 10:21
Müəllif
Axar.az
Digər xəbərlər

Silahlar Xankəndidən və Ermənistandan gətirilirdi - Babayan

Bayramov Vu Honqbo ilə görüşdü

Köçəryan və Sərkisyan Bakıya təhvil verilə bilər? - Paşinyan

Makron alqışladı: Bakı və İrəvanın razılaşması...

Avstriya Bakı-İrəvan razılaşmasını alqışlayır

Bakının Konstitusiya dəyişikliyi tələbi… - Paşinyan

Bakı və İrəvan sülh sazişini bu ölkədə imzalasın!

Rusiya qayıdır, Nikol tələsməlidir: Sülh üçün son addım…

Rəsmi İrəvan Bayramovun bu açıqlamasını təsdiqlədi

Prezident Bakıda mühüm forumda iştirak etdi - Foto

KULT
Xəbər xətti
  
  
  
Axar.az'da reklam Bağla
Reklam
Bize yazin Bağla