AZAL-ın keçmiş prezidenti Cahangir Əsgərovun qızı Məlahət (Mila) Əsgərova bu il iyunun 30-da Nyu Yorkda Duqlas Kent Uolladan 7,5 milyon dollara əmlak alıb.

Axar.az xəbər verir ki, bu barədə jurnalist Cavanşir Həsənli məlumat yayıb.

“Söhbət Manhettenin Çelsi rayonunda, 543 “West 25th Street” ünvanında yerləşən iki kommersiya tipli obyektdən gedir.

Cahangir Əsgərovun qızı əmlakı sahibi olduğu MRCRİ Prop LLC adlı şirkəti vasitəsilə alıb. Satıcı isə “Duqlas Uolla”nın sahibi olduğu “Marlborough Gallery” ilə əlaqəli “Marlborough Real Estate LLC” olub. Ümumi sahə 434.6 kvadrat metrdir.

Əmlak biznes istifadəsi, böyük ehtimalla “Gazelli Art House” üçün alınıb.

“Duqlas Uolla Nyu York incəsənət bazarında uzun tarixçəsi olan qalereya rəhbəri və kuratordur”, - jurnalist bildirib.