İngiltərənin ən mötəbər ədəbiyyat mükafatı Men Bukerin bu ilki sahibi avstraliyalı yazar Riçard Flanqan olub.

Axar.az xəbər verir ki, "Şimal dərinliklərinə dar yol" (The narrow road to the deep North) adlı fantastik janrda yazdığı romanla bu mükafata layiq görülən Flanqan eyni zamanda 50 min sterlinq pul mükafatının da sahibi olub.

Londonun tarixi və qədim bələdiyyə binası Qildholda keçirilən mərasimlə açıqlanan mükafata 6 yazar və əsəri namizəd idi.

Men Buker mükafatı bu ilə qədər ancaq ingilis, İngilis Millətlər Birliyi və ya İrlandiya vətəndaşı olan yazarlara, ingiliscə yazdığı romana görə verilirdi. Men Bukerin 46 illik tarixində ilk dəfə bu ildən milliyyət nəzərə alınmadan ingiliscə yazan və İngiltərədə kitabı çap olunan bütün yazarlara mükafat verilməyə başlanıb.