Həmyerlimiz Aygün Əsgərova "Qolos" musiqi müsabiqəsinin növbəti mərhələsinə adlayıb.

Axar.az xəbər verir ki, Dima Bilanın komandasında yarışan Aygün Ksana Sergiyenko ilə "Ya tebya otvoyuyu" mahnısını ifa edib. Bundan sonra Dima Bilan Ksananın ifasını bəyənərək onu yarışmada saxlayıb. Aygünün yarışmanı tərk etməsinin qarşısını isə Pelaqeya alıb. Münsiflərin çıxan iştirakçılardan ikisini saxlamaq hüququndan Pelaqeya həmyerlimiz üçün istifadə edib və beləliklə, Aygün Əsgərova növbəti mərhələyə çıxıb.

Qeyd edək ki, Aygün Əsgərova keçən il bu yarışmada iştirak edən Fərid Əsgərovun həyat yoldaşıdır.