Tanınmış Amerika rejissoru Kventin Tarantino onuncu filminin satışa çıxmasından sonra bir daha kino çəkməməyi planlaşdırır.

Axar.az RİA Novostiyə istinadla bildirir ki, Tarantinonun "Deadline" portalında dərc olunmuş intervüsündə qeyd edildiyinə görə, on film çəkmək və yeni kinolar gözləyən tamaşaçılara rəğmən getmək ideyası "düzgün səslənir".

"Bəs kinostudiyadakı işinin əvəzində hansı işlə məşğul olacaqsınız", - sualına cavab verən Tarantino pyeslər və kitablar yazacağını bildirib. "Fikrimcə, səndən xahiş etməmiş özün səhnəni tərk etməlisən", - deyə rejissor bildirib. "Mən tamaşaçılar daha çox istədiyi sürəcə getmək ideyasını bəyənirəm", - Tarantino əlavə edib.

Rejissor həmçinin bildirib ki, onun fikrincə, rejissorluq – gənc adamların məşğuliyyətidir. "Mən məmnunam ki, gedərkən özümdən sonra on filmdən ibarət filmoqrafiya qoyum. Ehtiyatda hələ iki filmim də var. Bu, daşa həkk olunmuş qanun deyil, sadəcə, plandır", - deyə rejissor fikirlərini bölüşüb.

Eyni zamanda, Tarantino yeni filmlə qayıtmaq varinatını da nəzərdə tutub. "Əgər sonralar nə vaxtsa, təsadüfən yaxşı bir film ideyasına bənd olsam, yalnız "gedirəm" dediyimə görə ondan imtina etməyəcəyəm".

Xatırladaq ki, fevralda Tarantinonun "Kədərli səkkizlik" (The Hateful Eight) layihəsini gerçəkləşdirmək üçün qayıdacağı, lakin ssneraini yenidən yazacağı məlum olub. Bundan əvvəl isə informasiya sızmasına görə o, çəkilişlərdən imtina etmişdi.