11:32

Rusiyanın Yekaterinburq şəhərində Azərbaycan diasporunun rəhbərinin oğlu Mutvalı Şıxlinskiyə qarşı cinayət işi açılıb.

Axar.az xəbər verir ki, bu barədə Sverdlovsk vilayətinin Vəkillər Palatasının prezidenti İqor Putintsev məlumat verib.

"Vəkillər Palatası Mutvalı Şıxlinskiyə qarşı cinayət təqibinin aparıldığı barədə məlumatı təsdiqləyib", - agentliyin həmsöhbəti bildirib.

Putintsev Şıxlinskinin hansı maddə ilə ittiham oluna biləcəyini dəqiqləşdirməyib.

Daha əvvəl güc strukturlarında bildirmişdilər ki, “Azərbaycan-Ural” İctimai Milli-Mədəni Təşkilatının sədri Şahin Şıxlinski saxlanılıb. Daha sonra o azad edilib.

***

Azərbaycan diasporunun rəhbərinin oğlu Mutvalı Şıxlinski məhkəməyə gətirilib.

***

Hökumət nümayəndəsinə xəsarət yetirməkdə ittiham olunan Mutvala Şıxlinski məhkəmədə ifadə verib.

O bildirib ki, hökumət rəsmisinə qəsdən zərər vurmayıb və baş verənlərdən peşmandır:

"Bu, qəsdən olmadı. Onu görmədim, sağımda idi, sonradan gördüm. Baş verənlərdən çox təəssüflənirəm".

Lenin rayon məhkəməsi onun barəsində 2 ay müddətinə həbs qətimkan tədbiri seçib. Lakin qərar qüvvəyə minməyib və apelyasiya qaydasında şikayət verilə bilər.

Azərbaycan diaspor rəhbərinin oğlunun həbs qətimkan tədbiri ilə bağlı proses mətbuata qapalı keçirilib.