2025.07.15. 21:25

Rusiyanın Yekaterinburq şəhərində fəaliyyət göstərən “Azərbaycan-Ural” İctimai Milli-Mədəni Təşkilatının sədri, vəkil Şahin Şıxlinskinin oğlu Mutvəli Şıxlinski saxlanılıb.

Axar.az xəbər verir ki, bu barədə "Maş" Teleqram kanalı məlumat yayıb.

Məlumata əsasən, M.Şıxlinskinin saxlanılmasına səbəb hüquq-mühafizə orqanı əməkdaşına zərər yetirməsidir. Onun hazırda sorğu-sual edildiyi bildirilir.

Qeyd edək ki, bundan öncə xüsusi təyinatlılar Şahin Şıxlinskinin maşınını qəfil mühasirəyə almışdılar və həmin zaman sükan arxasında olan Mutvəli hücum olduğunu düşünərək, arxaya vermiş, nəticədə polislərdən biri yerə yıxılmışdı.

***

Rusiyanın Yekaterinburq şəhərində fəaliyyət göstərən “Azərbaycan-Ural” İctimai Milli-Mədəni Təşkilatının sədri, vəkil Şahin Şıxlinskinin oğlu Mutvəli Şıxlinski RF Cinayət Prosessual Məcəlləsinin 48 saat həbsi nəzərdə tutan 91-ci maddəsinə əsasən saxlanılıb.

Bu barədə “E1.ru” mənbəyə istinadən məlumat yayıb.

Məlumata görə, Mutvəli Şıxlinskinin evində axtarış aparılmalıdır, o, məhkəmə başlamazdan iki gün əvvəl saxlanılıb.

Bundan əlavə, Moskvada Şahin Şıxlinskiyə qarşı iş açılıb, mənbənin “E1.ru”ya verdiyi məlumata görə, cinayət işinin hansı maddə ilə başlandığı göstərilmir.