Cizgi film qəhrəmanı Vinni-Puxun şəkli Londonda təşkil edilən auksionda fantastik məbləğə satılıb.

Axar.az The Guardian-a istinadən xəbər verir ki, şəklin uşaq kitabları mövzulu hərracda təxmin edilənin üç qat artığına satıldığı açıqlanıb.

İngilis rəssam E.H.Şepard imzalı cizgi film qəhrəmanı Vinni-Puxun şəkli Sozbay hərrac evi tərəfindən İngiltərənin paytaxtı Londonda təşkil edilən auksionda 314 min 500 sterlinqə satılıb.

Yaradıcısı ingilis Alan Aleksandr Miln tərəfindən 1924-cü ildə ictimaiyyətə tanıdılan plüş ayı balası şəklinin 1928-ci ildə çəkildiyini bildirən auksion işçiləri belə deyib: "Bu şəkil 1970-ci ildən bəri şəxsi kolleksiyadaydı və qəhrəmanın ən məşhur şəkillərdən biri idi".