Ana səhifə Kult |
Lider TV efir proqramında əsaslı dəyişiklik edib.
Bu barədə Kult.az-a Lider TV-dən məlumat verilib. Bildirilib ki, yay fəslinin gəlməsi ilə əlaqədar, adətən, mövsümi olaraq bağlanan verilişlər davam etdirilir, hətta yeniləri açılıb:
“Kanalın efirində gün boyu analitik, ictimai-siyasi, maarifləndirici yeni layihələrə geniş yer ayrılacaq. Teleməkanda format baxımından tək və fərqli olan "Geosiyasət", siyasi gündəmin analizlərinə həsr olunan "Mövqe", "Sədadan sonra", dünya xəbərlərini operativ və geniş təqdim edən "Səda dünya", iqtisadi islahatların müzakirəsi və iqtisadi yeniliklərlə zəngin olan "Ekonomiks", operativ idman xəbərlərinin cəmləşdiyi "Səda idman", gənclərin maariflənməsi, onların düzgün formalaşdırılması, vətənpərvərlik ruhunun aşılanması missiyasını qarşısına məqsəd qoyan "Vətənim Azərbaycan", "Gələcəyə doğru" və s. verilişlər tamaşaçıların ixtiyarına veriləcək. Lider TV-nin bu qərarını günümüzdə əksər televiziyalarda bayağı, toyxana, qalmaqallı verilişlərin vüsat almasına bir etiraz addımı kimi qəbul etmək olar. Mənəvi dəyərlərimizin qorunub saxlanılmasının, gənclərin düzgün tərbiyə edilməsinin, Azərbaycan ailəsi modelinin təbliğ olunmaslnın önəmini nəzərə alaraq, Lider TV axının ardınca getmir, öz tamaşaçı kütləsini formalaşdırmağa davam edir”.
Tarix
2019.06.10 / 23:21
|
Müəllif
Büllurə Yunus
|