Bu gün Xalq artisti Rasim Balayevin 71 yaşı tamam olur.

Kult.az R.Balayevlə bağlı 10 maraqlı faktı təqdim edir:

1. R.Balayev 5-6 yaşlarında ikən əlifbanı bilirdi və sərbəst şəkildə kitab oxumağı bacarırdı.

2. Məşhur hind aktyoru Rac Kapurun o vaxt bütün Sovetlərə yayılan filmləri R.Balayevdə bu sənətə maraq oyadıb və tez-tez dostları üçün onun rollarını oynayıb. Xalq artisti illər sonra uşaqlıq kumiri Rac Kapurla bir səhnədə mükafat alıb.

3. Sənətkar gənc yaşlarında dostu ilə qarışdığı davaya görə xuliqanlıq ittihamı ilə həbs edilib, 100 gün Gəncə həbsxanasında yatıb.

4. R.Balayev sevdiyi əmisi qızı ilə ailə həyatı qurub.

5.1972-ci ildə xəstəxanada yatan Rasimə Nəsimi rolu təklif olunsa da, ömrünə az qaldığını deyərək, bu roldan imtina edib. Rejissor Həsən Seyidbəyli səhiyyə nazirinə zəng vurub xahiş etdikdən sonra Rasim yenidən müayinədən keçirilir və Mərdəkana əsəb sanatoriyasında müalicə alan Rasim “Nəsimi”nin məşqlərinə başlayır. 1973-cü ildə “Azərbaycanfilm”in Bədii Şurası Rasimi Nəsimi roluna təsdiqlədikdən sonra sənətkar sevindiyindən uşaq kimi hönkür-hönkür ağlayır.

6. Gənc ikən öləcəyini düşünən Rasim Balayev evə belə bir xəbər göndərir: “Ölsəm ikinci övladımın (Asim) qarşısına “R” hərfini artırarsınız.

7. Rasim Balayev hələ 34 yaşında ikən Azərbaycanın xalq artisti adını alıb.

8. Filmdə Nəsiminin dərisi soyulanda o əzabı simasında verə bilsin deyə, ovcunun içində saxladığı mismarı var gücü ilə sıxıb ətinə pərçimləyib.

9. “Yeddi oğul istərəm” filmində Cəlal obrazını əslində Rasim Balayev canlandırmalı imiş, amma rejissor razılaşmayıb.

10. Sənətkar Azərbaycandan başqa Almaniyada, Türkiyədə, İranda, Tacikistanda, Osetiyada, çeçenlərin ilk kinosunda, Özbəkistanda, Moskvada, Gürcüstanda filmlərə çəkilib.