Ölkəmizdə də kifayət də məşhur olan türkiyəli aktyor Nejat İşlərin illərdir davam edən məhkəməsi aktyorun qələbəsi ilə başa çatıb.

Axar.az xəbər verir ki, aktyor TRT-də 10 il əvvəl yayımlanan serialdan 8 hissənin qonorarını ala bilmədiyi üçün TV-yə və serialın istehsalçısına qarşı qaldırdığı məhkəmə iddiasında qalib olub.

Serialın istehsalçısı Rəngli Türkcə Film Şirkəti məhkəmənin təsdiq etdiyi sənədlə aktyora 64 min Türk lirəsini qanuni faizi ilə birlikdə ödəyəcək. Məhkəmə serial istehsalçısının aktyora bu məbləğdə pulun qısa müddətdə ödənməsinə qərar çıxarıb. Qərarın yerinə yetirilməsi üçün hakim 11-ci Hüquq dairəsinə gəlib. Dairə yerli məhkəmənin qərarını təsdiqləyib.

Qeyd edək ki, Nejat İşlər TRT və Rəngli Türkcə Film şirkəti arasında 2004-cü il iyulun 22-də imzalanan müqavilə ilə çəkilən "Şeytan detalda gizlidir" adlı 13 bölümlük televiziya serialında oynasa da, serialın 8 hissəsinin qonorarını bu günə kimi ala bilməmişdi.