Axar.az
Yuxarı

Tanınmış azərbaycanlı rəssam vəfat etdi

Ana səhifə Kult
12 Punto 14 Punto 16 Punto 18 Punto

SSRİ Rəssamlar İttifaqının üzvü, Böyük Vətən Müharibəsinin iştirakçısı, rəssam Hüseyn Axundov Moskvada dünyasını dəyişib.

Report Rusiya mətbuatına istinadən xəbər verir ki, Hüseyn Axundov fevralın 6-da vəfat edib.

Rusiya və Azərbaycanın rəssamlıq və kino sənətində xüsusi yeri olan görkəmli həmyerlimiz "Mosfilm" Kinostudiyasının ştata götürülmüş ilk rəssamı olub.

Uzun illərdir Moskvada yaşayan Hüseyn Axundov 1921-ci il aprelin 28-də Abşeron rayonunun Balaxanı kəndində anadan olub. 7 yaşında olanda bacısı onu rəssamlıq məktəbinə yazdırıb. Kiçik Hüseyn Axundov Mikayıl Abdullayev, Aga Mirzəzadə, Oqtay Sadıqzadə, Abdul Xaliq kimi korifeylər yetişdirilən bir mühitdə onlarla yanaşı təhsil alıb.

Orta məktəbi bitirdikdən sonra 1939-cu ildə Leninqrad incəsənət insititutunun kinorejissorluq fakültəsinə daxil olub. İmtahan zamanı çəkdiyi şəkil imtahan komissiyasının üzvlərinin diqqətini cəlb edib və onlar bu gənci görmək istəyiblər. İmtanah komissiyasını heyrətləndirən azərbaycanlı gəncin o zaman cəmi 18 yaşı vardı.

Hüseyn Axundov 1941-ci ildə Böyük Vətən müharibəsi başlayanda cəbhəyə yollanıb. Bir çox döyüşlərdə iştirak edib, iki dəfə ağır yaralanıb. Taleyinin, qismətinin mükafatıymış bəlkə də bu ki, onu yaralı olduğu zaman müalicə üçün doğma Bakısındakı hospitallardan birinə göndəriblər. Tam sağalmamış əfsanəvi "Arşın mal alan" filminin işində aktiv iştirak edib.

Yaraları sağalandan sonra təhsilini Ümumrusiya Dövlət Kinomatoqrafiya universitetində (VQİK) davam etdirib. 1945-ci ildə oranı bitirdikdın sonra taleyini birdəfəlik Moskvaya bağlayıb.

"Mosflim"də ilk ştatlı işləyən azərbaycanlı olaraq Hüseyn Axundov İvan Pıryev, Qriqori Aleksandrov, Aleksandr Ptuşko kimi sovet kinosunun tanınmış ustadarı ilə çiyin-çiyinə çalışıb. "İdiot" ("Axmaq"), Belıe noçi" ("Bəyaz gecələr"), "Vesna" ("Bahar"), "Sampo" filmlərinin rəssamı eyni zamanda onlarla başqa sənət əsərlərinə rənğli həyat verib.

1953-cü ildə VDNX-dakı (Xalq Təsərrüfatı Nailiyyətləri Sərgisi) pavilyonlardan birinin tərtibatı ona tapşırılıb və bu işi yarım ildə başa çatdırıb

Kino rəssamı olmaqla yanaşı, dekorativ eskizlər, kinoplakatlar və paralel olaraq rəsm əsərləri üzərində də işləyib.

Hüseyn Axundovun yaradıcılığının yaddaqalan mərhələlərindən biri də Moskvanın tarixi mərkəzində ən qədim şəxsi tikililərdən olan Knyaz Yusupovun sarayının bərpa edilməsində baş rəssam işinin ona həvalə edilməsi olub .

Rusiya rəssamlar ittifaqının üzvü olan Hüseyn Axundovun yaradıcılıq işləri Rusiyanın və dünyanın bir çox rəsm sərgilərində nümayiş etdirilib.

Allah rəhmət eləsin!

Tarix
2015.02.07 / 12:59
Müəllif
Axar.az
Şərhlər
Digər xəbərlər

Dünənki itkilərimiz açıqlandı, ancaq reaksiya yoxdur...

Pərviz, bizi eşitdiyinə inanıram...

Ermənilərin Qarabağdan apardığı qapı...

Kəlbəcər müharibə yolu ilə alınsaydı...

Tağıyevin heykəli martda qoyulmalı idi, ancaq... - Açıqlama

Babək Niftəliyev artıq Kəlbəcərdədir

AMEA-dan işdən qovduğu direktorla bağlı – Şok bəyanat

Ən yaxşı snayper... Şəhid Cavid

Gürcülər Kamal Abdulla üçün yubiley konfransı təşkil etdi

Ermənilərdən daha bir saxtakarlıq - Fotofakt

KULT
<>
Xəbər xətti
 
  
  
  
yatsan
Axar.az'da reklam Bağla
Reklam
Bize yazin Bağla