Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
3 Aprel 2020


Koronavirusun 5 inanılmaz faydası...

Ana səhifə Kult
12 Punto 14 Punto 16 Punto 18 Punto

Bir dənə fağır virus tapmısınız, sağdan da döşəyirsiniz, soldan da. Koronavirusu deyirəm... Hamı özünə əl qatıb ki, ayə bu virus yamandı, qoyma gəldi...

Düşünürəm ki, biz koronavirusa qarşı hörmətsizlik, qədirbilməzlik edirik. Çünki bu virusun onlarla faydası var, mən bir neçəsini sadalayım, siz də baxın:

1. Koronavirus öz yumru bədəni ilə ailə büdcəsinə misilsiz töhfə verir. Məsələn, bu virus yayılandan bəri uşaqlar çölə çıxmaq, istirahət mərkəzlərinə, parklara getmək, bahalı atraksionlardan istifadə etmək istəmirlər və yaxud istəsələr də, “koronaaa, olmaz” deyirik. Görün bu virus ailə büdcəsinə nə qədər fayda verir. Xüsusən indi – dünyada iqtisadi böhranın gözlənildiyi bir vaxtda.

Hələ toylara, nişanlara, qəndsındılara, üzükkeçdilərə, xınayaxdılara, Novruz törənlərinə qoyulan qadağalar səbəbindən nə qədər qabağa düşdüyümüzü demirəm.

2. Təhsil müəssisələri bağlandı. Həm də görün necə, hansı günlərdə... Minlərlə valideyn müəllimlərə 8 Mart hədiyyəsi almaqdan xilas oldu. Buna uşaqların digər xərclərini də əlavə etdikdə ortaya ciddi məbləğ çıxır. Yəni yox yerdən bu virusa görə azı 200-300 manat qabaqsız. Bax, daha nə istəyirsiniz?

3. Koronavirus kimləri öldürür? Çox yaşlı, xəstə, ölüm ayağında olan şəxsləri. A kişi, siz bilirsiniz bu xəstə yaşlılar ölkəyə nə qədər maddi ziyan vurur? Milyonlarla pensiya ödənir e bunlara. Ölürlər, özlərinin də canı dincəlir bu əziyyətli ömürdən. Yəni koronavirus nə etdiyini yaxşı bilir. Ondan çox bilirsiniz?!

4. Bu virus yayılandan sonra dünyada atmosfer əməlli-başlı təmizlənib. Belə ki, Çində atmosferə zəhərli qaz buraxan böyük zavodlar, fabriklər bağlanıb. Nəticədə hava kirliliyində ciddi azalma müşahidə olunur.

5. Koronavirus yayılandan... yox, yox, yayılmaq yox, koronavirus dünyamıza təşrif buyurandan sonra bir çox həbsxanalardakı məhbuslar azad edilib. Məlumat üçün deyim ki, o məhbuslar dövlət hesabına yaşayırlar. Bir məhbusun həbsxanadakı bir günü dövlətə xeyli xərc yükləyir. Koronavirus mübarək qədəmlərini Yerə basandan sonra xeyli məhbus azad edildi və dövlətlər onların xərcini çəkməkdən xilas oldu.

Bu, dünyamızın çılğın və toppuş qonağı koronavirusun faydalarından sadəcə bir neçəsidir. Açığı, qardaş qardaşa bu yaxşılığı etməz. Bax, koronavirus bundan artıq sizə nə etsin?!

Təklif edirəm ki, bundan sonra koronavirusa həssas yanaşaq, ona qayğı, sevgi göstərək. İraq olsun, birdən küsüb gedər, evimiz yıxılar.

Sizə bir sirr açım: əslində, koronavirus bədxərcliyə qarşı antivirusdur. Hər ölkəyə lazım.

Tarix
2020.03.10 / 22:04
Müəllif
Aqşin Evrən
Şərhlər
Digər xəbərlər

Rəşad İlyasova qadağa götürüldü: Eyvana çıxdı...

“Bizi birləşdirən mədəniyyət” - Dərslər başladı

Bakıda “əldən istifadə” qadağan edildi...

Məşhur azərbaycanlı alimin ölüm səbəbi – 27 il sonra...

Mehriban Əliyeva səmadan möhtəşəm paylaşım etdi - Video

Türkiyədə azan vaxtı çəkilən bu video heyrətə gətirdi

Tanınmış qarmon ifaçısı vəfat etdi

"Santa Barbara"nın aktyoru vəfat etdi

Koronanın tragikomediyası – Video

Bircinsli evlilik, surroqat ana və... Tanrının bəlası gəldi

KULT
<>
Xəbər xətti
 
  
  
  
  
yatsan
Axar.az'da reklam Bağla
Reklam
Bize yazin Bağla