Ana səhifə Kult |
Xəbər verdiyimiz kimi, Prezidentin sərəncamı ilə Opera və Balet Teatrının direktoru Akif Məlikov 2-ci dərəcəli “Vətənə xidmətə görə” ordeni ilə təltif edilib.
Kult.az xəbər verir ki, Akif Məlikov 1950-ci ildə Bakı şəhərində anadan olub.
1973-cü ildə Azərbaycan Dövlət Konservatoriyasının İfaçılıq fakültəsini bitirib. Hələ tələbəlik illərindən komsomol orqanlarında çalışıb, Bakı şəhər Komsomol Komitəsinin təlimatçısı, Suraxanı rayon komsomol komitəsinin birinci katibi olub.
1976-cı ildə ÜİLKGİ MK yanında Ali Komsomol Məktəbini bitirmiş və Azərbaycan ÜİLKGİ MK-nın təlimatçısı vəzifəsinə təyin olub.
1977-1978-ci illərdə Ş.Məmmədova adına Opera studiyasının direktoru vəzifəsində işləyib.
1987-ci ildə A.Məlikov Azərbaycan Dövlət Akademik Opera və Balet Teatrının sərəncamçı direktoru, 1989-cu ildə isə direktor vəzifəsinə təyin edilib.
Yüksək təşkilatçılıq qabliyyətinə malik olan A.Məlikovun rəhbərliyi altında Opera və Balet Teatrı bu illər ərzində yüksək yaradıcılıq uğurları qazanıb.
1998-2006-cı illərdə A.Məlikov həm də M.Maqomayev adına Azərbaycan Dövlət Filarmoniyasının direktoru vəzifəsində çalışıb.
2000-ci ildə "Azərbaycan Respublikasının Əməkdar İncəsənət Xadimi2 adına, 2002-ci ildə "Hümay" mükafatına layiq görülüb.
Tarix
2020.03.17 / 16:43
|
Müəllif
Kult.az
|