Bu gün səhər saatlarımda İctimai Televiziya və Radio Yayımları Şirkətinin böyük redaktoru, tanınmış jurnalist Əmrah Cəfərov (Əmrah Fəqanoğlu) vəfat edib.

Kult.az xəbər verir ki, Ə.Fəqanoğlu Bakı Dövlət Universitetinin Jurnalistika fakültəsini bitirib. “Avrasiya” və “İki sahil” qəzetlərində müxbir, şöbə müdiri, 2006-2014-cü illərdə SOCAR-ın Sosial İnkişaf İdarəsində mətbuat xidmətinin rəisi kimi çalışıb.

2014-2016-cı illərdə isə Dövlət Sosial Müdafiə Fondunun mətbuat xidmətinin rəhbəri olub. Fond Əmək və Əhalinin Sosial Müdafiəsi Nazirliyinə (ƏƏSMN) birləşdiriləndən sonra nazirliyin ictimaiyyətlə əlaqələr şöbəsinin müdir müavini təyin edilib.

ƏƏSMN-nin rəsmi orqanı olan “Sosial həyat” jurnalının baş redaktor müavini kimi də fəaliyyət göstərib.

2018-ci ilin avqustunda İctimai Televiziyada fəaliyyətə başlayıb və son günlərədək bu kanalda işləyib.

O, "Media açarı" mükafatı laureatı və “Şəfəqi solmayan ömür”, “Gözümü açandan Vətən sən oldun!” adlı kitabların müəllifidir.

Həmkarımıza Allahdan rəhmət, ailəsinə səbir diləyirik.