15:06

Türkiyə Prezidenti Rəcəb Tayyib Ərdoğanın ötən gün Bakıda keçirilən Zəfər paradda Araz çayı ilə bağlı səsləndirdiyi bayatı İranı qıcıqlandırıb.

Kult.az. xəbər verir ki, bu barədə İran xarici işlər naziri Məhəmməd Cavad Zərif öz Tvitter hesabında yazıb.

Zərif bayatını özü bildiyi kimi təqdim etməyə də çalışıb:

“Türkiyə Prezidenti Ərdoğana Bakıda dediyi şeirin sözləri ilə Arazın şimalındakı bölgələrin vətənləri İrandan zorla ayrılmasına eyham vurduğu barədə məlumat verilməyib. Bunu deməklə Azərbaycan Respublikasının suverenliyinə zərər vurduğunun fərqində deyildimi? Heç kim sevdiyimiz Azərbaycan (Cənubi Azərbaycan nəzərdə tutulur - red.) haqqında danışa bilməz”, - deyə XİN rəhbəri paylaşımında qeyd edib.