Faşist Almaniyasının lideri Adolf Hitlerin 1904-1922-cü illərdə çəkdiyi akvarel tablolar və bəzi şəkillərindən ibarət kolleksiyası Nürnberq şəhərində hərracda satılıb.

Axar.az xəbər verir ki, Hitler gənclik illərində şəkil çəkməyə maraq göstərib və Vyana İncəsənət Akademiyasına müraciət edərək rədd cavabı alıb.

Hitlerin hərracda ən yüksək qiymətə - 100 min avroya satılan əsəri Kral II Ludviqin Bavyeradakı Noyşvanştayn qəsri təsvir olunan akvarel tablosu olub.

Tablonu çinli bir kolleksiyaçı alıb. Hitlerin ümumi qiyməti 400 min avroya satılan başqa əsərlərini isə Braziliya, Birləşmiş Ərəb Əmirlikləri, Fransa və Almaniyadan olan kolleksiyaçılar alıb. Onların adları açıqlanmır.

Qeyd edək ki, ötən il noyabrda Hitlerin Münhenin tarixi bələdiyyə binasını təsvir etdiyi akvarel tablosu bir Ərəb kollkeksioner tərəfindən 162 min avroya satın alınmışdı. Hitlerin gəncliyində çəkdiyi 2 min şəklnin olduğu deyilir. Ancaq incəsənət mütəxəssisləri onun əsərlərinin çoxunu "orta" olaraq qiymətləndirir.