Ana səhifə Kult |
Bakının İstiqlaliyyət küçəsində Azərbaycan Dövlət Himninin müəllifi, istiqlal şairi Əhməd Cavadın ev muzeyi yaradılmalıdır.
Bu sözləri Kult.az-a Əhməd Cavadın nəticəsi Cavad Axunzadə şairin ev muzeyi ilə bağlı danışarkən deyib.
“Ulu babam Əhməd Cavadın Bakının İstiqlaliyyət küçəsindəki yaşadığı evin qarşısında lövhə var. Mənə sual verirlər ki, burada Əhməd Cavadın niyə ev muzeyi yoxdur? Bu mənim səlahiyyətimdə deyil. Düşünürdüm ki, bununla bağlı aidiyyəti qurumlara bizim müraciət etməyimizə ehtiyac yoxdur. Həmin küçədə lövhə varsa, orada ev muzeyi də olmalıdır. Fikirlərimin şikayət kimi səslənməsini istəmirəm. Nəticə olmadığı halda Əhməd Cavadın ailəsi adından müraciətimi edəcəyəm. Lakin ümidvaram bizim müraciətimizə ehtiyac qalmayacaq”, - deyə şairin nəticəsi bildirib.
C.Axundzadə Əhməd Cavadın 130 illiyi ilə bağlı da fikir bildirib:
“Ümid edirəm ki, gələn il qeyd oluncaq 130 illiyində Əhməd Cavadın şəhərin mərkəzi yerlərinin birində heykəlini də görərik. Bu, təkcə Əhməd Cavadın ailəsinin deyil, əminəm ki, bütün Azərbaycan xalqının arzusudur”.
Tarix
2021.06.02 / 14:03
|
Müəllif
Aytəkin Qardaşova
|