Xalq artisti Səməd Səmədov son mənzilə yola salınıb.

Kult.az Baku TV-yə istinadən xəbər verir ki, müğənninin nəşi dəfn olunmaq üçün Yasamal qəbiristanlğına aparılıb. Onunla vidalaşmağa gələnlər arasında sənət dostları da olub.

Mərhumun sənət dostu Əli Mirəliyev bildirib ki, Səməd Səmədovla uzun illər dostluq ediblər.

“Səməd çox yaxşı insan idi, gözəl səsi, özünəməxsus üslubu var idi. Biz onu heç vaxt unutmayacayıq”, - deyə, Cavanşir Quliyev Səməd Səmədov haqqında danışarkən deyib.

Mərhum sənətçinin oğlu media nümayəndələrinin qəbiristanlığa buraxılmasına icazə verməyib.

Qeyd edək ki, S.Səmədov ötən gün 74 yaşında "Yeni klinika"da koronavirusdan vəfat edib.