"Blyuzun kralı" adlandırılan Bi Bi Kinqin ölüm səbəbi məlum olub.

Axar.az xarici mətbuata istinadən xəbər verir ki, əfsanəvi musiqiçinin ölümündə cinayət izləri axtaran və atalarının köməkçilərini ona sui-qəsd hazırlamaqda ittiham edən Kinq bacıları məhkəməni uduzub.

Analizlər sübut edib ki, Bi Bi Kinq hansısa sui-qəsdin qurbanı deyil. Musiqiçinin ölüm səbəbi altsheymer xəstəliyi olub.

Xatırladaq ki, blyuz kralı Bi Bi Kinq 2015-ci ilin 15 mayında 90 yaşında Las-Veqasda vəfat edib. Kinqin qızları isə bir müddət əvvəl musiqiçinin ölümündə onun menecerlərinin əli olduğundan şübhələnərək məhkəməyə müraciət edib.