Xalq artisti Ramiz Novruz həmkarı Ramiz Məlikə qonaqlıq verib.

Axar.az xəbər verir ki, aktyorların barışmağı münasibəti ilə ziyafət təşkil edilib.

Bu barədə Aznews.az-a danışan R.Novruz bildirib ki, qonaqlıqda Akademik Milli Dram Teatrının direktoru İsrafil İsrafilov da iştirak edib.

"Bir balaca yığıncaq keçirdik. Yığıncaqda teatrın direktoru, truppa müdiri, aktyor Kazım Abdullayev və mən iştirak edirdim. İştirakçıların yanında Ramiz Məlikdən üzr istədim".

Aktyor qeyd edib ki, barışıq tədbirinə hadisəyə şahidlik edən bütün aktyorlar dəvət olunub: "Amma onların heç biri gəlmədi. Hətta xanım aktrisaları da dəvət etmişdim. Çox təəssüf edirəm ki, onlar gəlmədilər".

Xatırladaq ki, avqustun 23-də onların arasında mübahisə yaşanıb. Nəticədə R.Novruz R.Məliki yumruqlayıb.