Mənim o yaşım deyil ki, gənc oğlanla çəkişməyə çıxım.

Bu sözləri xalq artisti Eldar Mansurov gənc bəstəkar, müğənni Murad Arifin "Yeganə" bəstəsinin "Taleyin oyunu" mahnısının plagiatı olması iddiaları ilə bağlı Axar.az-a danışarkən deyib:

"Mahnılar bir-birinə çox oxşayır. Nə deyim? Cavan adamdır, düşünüb ki, belə yazmalıdır. Mənim tələbəm olsaydı, ona öz yolunu tutmalı olduğunu deyərdim. Amma bu gün xalq özü hər şeyi müəyyən etmək iqtidarındadır. Özü bilər, Allahı bilər".

Bəstəkar sözügedən plagiatla bağlı məhkəməyə müraciət etməyəcəyini də vurğulayıb:

"Mənim o yaşım deyil ki, durum cavan uşaqla məhkəmələrə çıxım. Mənim buna nə həvəsim, nə hövsələm, nə də vaxtım var. Düzdür, getsəm, yəqin ki, qalib gələcəm, amma buna ehtiyac duymuram. Babalı öz boynuna. Götürüb, oxşadıb, özü bilər. Yeni, orijinal bir şey tapmayıb, başqa bir bəstəyə istinad edib. Özünüz bir dinləyici kimi dəyərləndirin. Mənim o yaşım deyil ki, gənc oğlanla çəkişməyə çıxım. Sizə minnətdaram. Heç xəbərim yox idi".

Xatırladaq ki, bu gün Atv.az saytında Murad Arifin xalq artisti Eldar Mansurovun bəstələrini mənimsədiyi haqda xəbər yayılıb.