Fransız kinosunun məşhur aktyorlarından Alen Delonun "Fransız xalqı ağ irqdir" deməsi yeni polemika yaradıb.

Axar.az xəbər verir ki, Alen Delon bu cür irqçi fikirləri "TV Maqazin" jurnalına verdiyi müsahibədə işlədib.

Aktyor fransız siyasətçi Nadine Moranonun "ölkə (Fransa) ağ irqdən təşkil olunub" sözünə dəstək verənlər arasında ilk yerdə gələnlərdən olub:

"Avropa millət vəkili (Nadine Morano) çox cəsurdur, sözləri ilə mən də razıyam, amma mən sağçı deyiləm. Bilirəm, hamınız mənə nifrət edirsiniz, mənə hirslənirsiniz. Amma mən düşündüyümü deyirəm. Deməyə də davam edəcəyəm".

Bir həftə sonra 80 yaşı olacaq aktyor müsahibəsində xaricilərə, xüsusən müsəlmanlara qarşı olması ilə tanınan sağçı, radikal Milli Cəbhə Partiyasını da müdafiə edib:

"Milli Cəbhə Partiyası 6 milyon fransızı təmsil edir. Bu insanların hamısı gic, axmaqdır? Bu partiyanı sevməyə bilərsiniz, amma hörmət etməlisiniz. Mən partiyaya yaxın deyiləm, amma 50 ildir partiyanın qurucusu Jan Mari le Penin yaxın dostuyam".