Nuriyyə xanım bu olanları görsəydi, dözə bilməzdi.

Bu sözləri mərhum xalq artisti Nuriyyə Əhmədovanın yeganə yadigarı – nəvəsi Faiq İbadzadə sənətkarın vəfatından sonra baş verən qalmaqallarla bağlı Axar.az-a danışarkən deyib. O, bu qalmaqallara görə hər iki tərəfi günahlandırıb:

"Kimin nə sözü varsa, gedib üz-üzə müzakirə etsin. Heç kəs televiziyalarda və ya başqa yerlərdə bu barədə danışmasın. İmkan versinlər, nənəm rahat yatsın. Mənə nə nənəmin qohumları, nə də Nahidə Orucova baxır. İndi doğma babamın yanındayam.

Yalnız nənəmin tələbəsi – aktyor Elşad Yusubov mənə kömək edir, dəstək olur. Nənəm məni ona əmanət etmişdi. İndi gələn il keçiriləcək ali məktəbə qəbul imtahanlarına hazırlaşıram. Həyatımın çətin dövrüdür, məni rahat buraxsınlar. Bu söz-söhbətlər, sadəcə, rüsvayçılıqdır".