Xoreoqrafiya sənəti standartlarına uyğun olaraq 35-40 yaşlarından sonra fiziki cəhətdən səhnədə çıxış etmək düzgün deyil.

Kult.az xəbər verir ki, bunu Bakı Xoreoqrafiya Akademiyasının rektoru, əməkdar artist Nailə Məmmədzadə Bakıda ilk dəfə keçirilən Musiqi Forumunun “Xoreoqrafiya sənəti: milli rəqs, balet, müasir rəqs formaları” adlı panel müzakirələri zamanı deyib.

“Artıq 40 yaşını tamamlayan balet və ansambl artistləri təqaüdə çıxmalıdır. Lakin hazırki qanunlara görə təqaüdə 60 yaşında göndərilir. Bu isə xoreoqrafiya sənətinin səhnə mədəniyyətinə mənfi təsir göstərir və ən əsası gənc kadrları işlə təmin etmək olmur. Xoreoqrafiya sənəti üzrə dünya standartlarına uyğun olaraq balet və ansambl artisti 40 yaşında təqaüdə göndərilməlidir”, - o bildirib.