Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
21 May 2019


Üzeyir bəy Xaçaturyanı Bakıdan necə qovdu

Ana səhifə Kult
12 Punto 14 Punto 16 Punto 18 Punto

Mən "Баку" qəzetində işlədiyim vaxtlarda dahi Üzeyir bəy Hacıbəyovun Azərbaycan Dövlət Konservatoriyasına rəhbərlik etdiyi dövrdə onun assistenti olmuş Zaxar Yakovleviç Stelniklə tanış olmuşdum. Danışdığı xatirələri o illərdə qəzetə yazmaq olmazdı. Üstündən uzun illər keçsə də qələmə aldım. Xatirələr qaldıqca daha qiymətli olur.

"Mərkəzi Komitədən Üzeyir bəyə zəng edib tapşırmışdılar ki, Aram Xaçaturyanın yeni simfoniyasını hazırladıb dinləmə keçirilsin və şura tərəfindən qəbul edilib təsdiq edilsin. Öyrəndik ki, ermənilər İrəvanda onun əsərini təsdiq etməyiblər.

Üzeyir bəy göstəriş verdi, partitura orkestrdə paylandı, əsər dinlənilməyə hazırlandı.

Professor-müəllim heyəti toplanıb Xaçaturyanın simfoniyasına qulaq asdı. Sonra adəti üzrə Üzeyir bəyin otağında müzkirələr olmalı idi. Hamı gəldi. Divar boyu düzülmüş stullarda əyləşdilər. Xaçaturyan baş tərəfdə oturdu. Mən və Cövdət Hacıyev, biz Üzeyir bəyin assistentləri idik, qapının sol və sağ tərəfindəki stullarda yerimizi tutduq. Bir neçə dəqiqə keçdi. Heç kim dillənmirdi. Adətən bu tipli müzakirələr coşğu ilə keçərdi. Üzeyir bəy bığlarını dartışdırır və gözləyirdi ki, görək kim söz istəyəcək. Toplantı iştirakçıları bir neçə dəqiqəni də məzar sükutu ilə yola verdilər. Nəhayət, Üzeyir bəy dilləndi. Qonaq başa düşsün deyə rusca:

- Nə olar, - dedi, - heç kim danışmaq istəmirsə, mən danışaram. Belə, yoldaşlar. Əgər Çaykovskinin simfoniyasının ifası zamanı trombon bir çərək pauza qədər geçiksə, bunu zalda oturan hər bir dinləyici dərhal hiss edər. Xaçaturyanın bu simfoniyasında isə trombonun nəinki gecikdiyini, ümumiyyətlə çalğıya başladı, ya başlamadı, bunu tamaşaçı yox, heç müəllif özü də hiss etməz.

Bunu deyib, Üzeyir bəy susdu. Yenidən otağı bürüyən sükunəti Xaçaturyanın addım səsləri pozdu. O, yekə portfelini götürüb, heç nə demədən otaqdan çıxdı. Bu, onun Azərbaycandan axırıncı gedişi oldu".

Baki-baku.az

Tarix
2016.05.25 / 15:23
Müəllif
Rauf Ağayev
Şərhlər
loading...
Digər xəbərlər

BDU Dilarə Seyidzadəni görüşə dəvət etdi

Rasim Balayev açıqladı: Məni ora buraxmırlar

Dünyada yerli dillərin sayı açıqlandı

Afaq Bəşirqızıdan məmurlara çağırış: Ayılın...

1500 illik abidəmiz dağıla bilər – Nazirlikdən açıqlama

Miri Yusif Dünya Çempionatının ulduz səfiri seçildi

Tarix İnstitutundan Keşikçidağla bağlı - Möhtəşəm bəyanat

Türk Şurasının təməli Azərbaycanda qoyuldu - Kıdıralı

Türk miraslarının bəziləri təhlükə altındadır - Əfəndiyeva

Bu həftə məktəblilərə muzeylərə giriş ödənişsizdir

KULT
<>
Xəbər xətti
 
e-vetendash
  
  
  
Axar.az'da reklam Bağla
Reklam
Bize yazin Bağla