Kliniki psixoloq, ekstrasens Zirəddin Rzayev Rusiya Jurnalistlər Birliyinə üzv seçilib.

Bu barədə Kult.az-a danışan Zirəddin Rzayev bildirib ki, jurnalistika sahəsində olan fəaliyyəti Azərbaycanda ikinci təhsili alarkən başlayıb.

“Azərbaycanda təhsil aldığım müddətdə “Ədalət və Həqiqət” qəzetində məqalələrim dərc olunub. Rusiyaya köçdükdən sonra isə Ru TV-də, “Radio Daça”da, “Radio Karnaval”da bir neçə proqramın aparıcısı olmuşam.

2017-ci ildə bir neçə nəfərlə birlikdə “Bloggernews.ru” rəsmi xəbər saytını yaratdıq. Həmin saytda direktoram, həmçinin jurnalist kimi fəaliyyət göstərirəm.

Şəxsi bioqrafiyamdan istifadə edərək Rusiya Jurnalistlər Birliyinə müraciət etdim və komissiya üzvləri arasında səsvermə ilə birliyə üzv qəbul edildim. Çox az azərbaycanlı var ki, Rusiya Jurnalistlər Birliyinin üzvüdür. Həmin azərbaycanlılardan biri olduğum üçün qürur duyuram.

Eyni zamanda mən Azərbaycan şairiyəm, ana dilim olan Azərbaycan dilində şeir və qəzəllərin müəllifiyəm.

Bu gün qürurla deyirəm ki, yazdığım şeirlər Azərbaycan televiziyasında qiraətçilər və sənətkarlar tərəfindən səsləndirilir. Bu isə məni ruhlandırır. Buna görə də Azərbaycana və Azərbaycan televiziyalarına təşəkkürümü bildirirəm”, - o qeyd edib.