Fransa imperatoru I Napoleonun qılıncı hərracda 4,7 milyon avroya satılıb.

Kult.az xəbər verir ki, Parisdə “Giquello” hərrac evinin keçirdiyi hərracda qılıncın 700 min - 1 milyon civarında satılacağı proqnozlaşdırılsa da, gözləntiləri alt-üst edib.

1802-ci ildə Napoleon Fransa Respublikasının birinci konsulu olduqdan sonra şəxsi istifadəsi üçün Versal istehsalat müəssisəsinin rəhbəri Nikola-Noel Buteyə xüsusi qılınc sifariş edib.

Hərrac evi qeyd edir ki, Napoleon imperator taxtına çıxdıqdan sonra da bu silahı hakimiyyətinin sonuna qədər saxlayıb.

Qeyd edək ki, I Napoleonun 1800-cü ildə İtaliyada Marenqo döyüşü zamanı istifadə etdiyi qılıncı isə 2007-ci ildə 4.8 milyon avroya satılmışdı.