Mən İran xalqını sevirəm. Onların qorxmadan, zülm altında olmadan, yoxsulluqla mübarizə aparmadan öz həyatlarını özləri təyin edə biləcəkləri bir ölkədə yaşamalarını istəyirəm. Şəriət qanunlarına əsaslanaraq və Allahın adından istifadə edərək insanlara zülm etmək səhvdir.

Axar.az xəbər verir ki, bu barədə türkiyəli müğənni Mahsun Qırmızıgül sosial media hesabında yazıb.

Bu paylaşımından sonra sosial şəbəkə istifadəçiləri müğənnini tənqid edib və “Amerika yazdırır”, “İsrail yazdırır”, “Fələstin haqqında heç nə yazmayıb” kimi ittihamlar səsləndiriblər.

“Bizi tənqid etməkdənsə, bu ölkədə Fələstin və Qəzza deyib, gizlicə ABŞ və İsrailin maraqlarına xidmət edənlərə baxın. İstər İranda, istər Fələstində, istərsə də Suriyada, dilindən, dinindən, milliyyətindən və ya rəngindən asılı olmayaraq, məzlum olan hər kəs üçün kədərlənirəm”, - Qırmızıgül iddialara cavab verib.