Aktyor Con Travoltanın evini görənlər heyrətlənməyə bilmir.

Axşam.az-ın məlumatına görə, aktyorun evi Florida ştatının Okala şəhərindəki özəl "Greystone" hava limanının ərazisində yerləşir. Travoltanın mülkünün həyətində təyyarələrin park edilməsi üçün ərazi var.

Conun anqarında özəl iş təyyarəsi, Boinq-707, tək mühərrikli təyyarə və iki başqa təyyarəsinin olduğu bildirilir. Bundan başqa, evin həyətində 16 avtomobil üçün nəzərdə tutulmuş qaraj da var.

Qeyd edək ki, aktyor və rejissor olmaqla yanaşı, 62 yaşlı Travolta sertifikatı olan pilotdur. O, Con Qantas Hava Yollarının işçisidir və Boinq-707 özəl təyyarəsi ilə 10 ölkənin 13 şəhərinə səfər edib.

Aktyor 2010-cu ildə özəl təyyarəsi ilə Haiti zəlzələsindən əziyyət çəkənlərə 4 ton qida, tibbi ləvazimat aparıb.