Tezliklə bu məsələ ilə maraqlanacağam.

Bu sözləri əməkdar artist Abbas Bağırov sosial şəbəkədə onun adından istifadə edərək pərəstişkarlarına qeyri-etik sözlər yazılması haqda Axar.az-a danışarkən deyib:

"Mənim Feysbukda cəmi bir rəsmi səhifəm var. Haqqımda olan məlumatlar, şəkillər, yeniliklər orada paylaşılır. Başqa bir profil də var, onu bilmirəm kim işlədir, doğrusu, heç maraqlanmamışdım. İnstaqramda qoyduğum bütün şəkilləri ora yerləşdirirlər. Bundan xəbərim var idi, amma mənim adımdan başqalarına nalayiq ifadələr yazılmağından və bu cür qeyri-etik hərəkətlərdən xəbərsiz idim. Tezliklə bu məsələ ilə maraqlanacağam. Qələt edir o adam, onu mütləq axtarıb tapacağam. Cəzasını çəkəcək".