Axar.az
Yuxarı

Axar.Az Logo

Cavanşir Məmmədov qızının türkiyəli ərini tutdurdu

Ana səhifə Maqazin
12 Punto 14 Punto 16 Punto 18 Punto

Cavanşir Məmmədovun qızı Xatirə Məmmədovanın həyat yoldaşı, Türkiyə vətəndaşı İbili Mustafa Kəmal oğlu hüquq-mühafizə orqanlarına müraciət edərək X.Məmmədovanın dələduzluq yolu ilə onun pullarını ələ keçirdiyini iddia edib.

Kult.az xəbər verir ki, Mustafa İbili "Yeni Sabah"a Xatirə Məmmədova ilə 2018-ci ilin oktyabrın 10-da internet üzərindən tanış olduğunu bildirib.

Bu məqsədlə o, Türkiyədəki evini və iş ofisini sataraq 10.000 dollar üzərində, 45.000 dollar da bank hesabında saxlayaraq Bakıya gəlib. Onun sözlərinə görə, Bakıya gəldikdən sonra X.Məmmədova onu anası və qızı ilə tanış edib və bu zaman anası ona “əgər qızımla evlənmək istəyirsənsə Bakıda ev al, sonra qızı istə, toyunu edək” deyib.

Mustafa İbili bildirib ki, bundan sonra Yasamal rayonu ərazisindən ilkin ödənişi 20.000 manat, aylıq ödənişi 3.116 manat olmaqla mənzil alıb. O qeyd edib ki, Xatirə Məmmədovanın göstərişi ilə aldığı mənzilə 58.880 manat pul xərcləyib. O, əlavə olaraq Xatirə Məmmədova üçün aldığı qızılların və mobil telefonunun qiymətinin 12.000 dollara başa gəldiyini deyib və bildirib ki, 4 il ərzində Xatirə üçün aldığı paltarlara, çantalara, ayaqqabılara və bəzək əşyalarına 10.000 manatdan çox pul xərcləyib.

O qeyd edib ki, aldığı televizor, qızıl, ev iti və ütü ilə birlikdə Rəfiqə Qafarovaya da 7.150 manat pul xərcləyib.

X.Məmmədovaya hər ay xərcləməsi üçün 1.000 manat pul verdiyini deyən Mustafa İbili bildirib ki, o, ümumilikdə Məmmədova Xatirə Cavanşir qızına 27.000 manat pul verib.

O, evlənmə məqsədi ilə Bakıda qalarkən kirayə mənzilə hər ay 500 manat pul ödəyib və ümumilikdə bu məqsədlə 10.000 manat pul xərcləyib.

Onun sözlərinə görə, Xatirə Məmmədovanı, Rəfiqə Qafarovanı, gəlini Nərgiz Məmmədovanı və anası Xalidə Məmmədovanı 4 dəfə İstanbula aparıb və bu 4 səyahətlərə ümumilikdə 46.000 dollar pul xərcləyib.

Qeyd edib ki, Cavanşir Məmmədovun iddia etdiyi 100.000 dollar və Rəfiqə Qafarovanın iddia etdiyi 30.000 dollar pulu onlar Mustafa İbiliyə verməyiblər. Bütün pulları X.Məmmədovanın öz adından, anasının və atasının adından onun bank hesabına köçürüblər və köçürülən məbləğin bir hissəsini aldığı mənzilə və mənzilin əşyalarına xərcləyib. Qalanı 2020-ci ilin mart ayından 2021-ci ilin oktyabr ayına qədər xərclənən 86.000 manat olub və digər qalan pulları sadaladıqlarına xərclənilib. O, ümumilikdə 240 min manatlıq zərər vurulduğunu bildirir.

Mustafa İbili bildirib ki, istintaqda qardaşından 10.000 dollar borc alaraq Cavanşir Məmmədova ödəyib və artıq pulu qalmayıb.

O, müraciətində qeyd etdiyi halların araşdırılmasını və Məmmədova Xatirənin dələduzluq yolu ilə pullarını xərclətdiyi üçün barəsində cinayət işi açılmasını, cəzalandırılmasını və xərclədiyi pulların geri qaytarılmasını istəyib.

Qeyd edək ki, Cavanşir Məmmədov hüquq-mühafizə orqanlarına müraciət edərək Mustafa İbili tərəfindən aldadıldığını bildirib. Belə ki, o iddia edib ki, Mustafa İbili Cavanşir Məmmədovdan 13.000 manat və 126.500 dollar alıb və geri qaytarmayıb. Daha sonra Mustafa polis əməkdaşları tərəfindən saxlanılıb. Haqqında Cinayət Məcəlləsinin 178.3.2-ci (Dələduzluq - külli miqdarda ziyan vurmaqla törədildikdə) maddəsi ilə ittiham irəli sürülüb.

Tarix
2022.09.16 / 12:52
Müəllif
Kult.az
Şərhlər
Digər xəbərlər

İbrahim Tatlısəsin konsertində gərgin anlar - Video

Rəhim Rəhimlinin əsl ölüm səbəbi... - TƏBİB

Şakira 8 il müddətinə azadlıqdan məhrum edilə bilər

Özcan Dənizin Bakıya gələcəyi tarix açıqlandı

Yunanıstanlı müğənni Şuşaya gəldi - Video

Daha bir ukraynalı müğənni ermənilərə dəstək oldu

Röya Ayxan konsertlərini ləğv etdi

Van Dammın oğlu Bakıda - Foto

Azərbaycanlı müğənninin Bodrumdakı evi - Foto

ABŞ-dan Gülşənlə bağlı açıqlama

KULT
<>
Xəbər xətti
Axar.az'da reklam Bağla
Reklam
Bize yazin Bağla