Mərhum xalq artisti İlhamə Quliyeva ötən il parlament seçkilərində namizədliyini verən müğənni Elza Seyidcahanı sərt tənqid etmişdi.

Axar.az xəbər verir ki, ANS-in "Günəbaxan" verilişinə açıqlama verən xalq artisti deputat seçilmək arzusunda olan əməkdar artist Elza Seyidcahanın arqumentlərinə belə münasibət bildirmişdi:

"Səndən millət vəkili çıxar? Elza Seyidcahan çox gözəl musiqiçidir. Ancaq çox pis müğənnidir. O müğənni deyil, oxumağı bərbaddır, şairliyi isə fəlakətdir. Mən Yazıçılar İttifaqına müraciət etmişəm ki, onun haqqında bir ölçü götürsünlər. Mahnılarını yazsın və versin gənclər oxusun. O, millət vəkili ola bilməz!

Məndən soruşdular ki, Elza millət vəkili ola bilər? Dedim ki, yox. Çünki orada dəyərli insanlar əyləşməlidirlər. O, icra başçılarına hücum edib onlardan pul istəyir. Artıq icra başçıları onu görəndə qaçıb gizlənirlər. Bunu mənə nümayəndələrin özləri deyir. Belə millət vəkili olar?"