Bu gün Eyyub Hüseynzadə və təsisçisi olduğu “Anadolu Events”in təşkilatçılığı ilə Türkiyənin məşhur siması, milyonların sevimlisi Özcan Dəniz Bakıda konsert proqramı ilə çıxış edəcək.

Axar.az xəbər verir ki, Bakıya gələn sənətçi bir az əvvəl Heydər Əliyev Hava Limanında təyyarədən enib və media nümayəndələrinin suallarını cavablandırıb.

Özcan Dəniz jurnalistlərə açıqlamasında səhhətinin yaxşı olduğunu deyib:

"Özümü çox yaxşı hiss edirəm, heç bir problem yoxdur. Mən buraya məhz sevənlərim üçün gəlmişəm, axşam konsertdə görüşərik".

Xatırladaq ki, Özcan Dənizin Bakı Konqres Mərkəzində keçiriləcək konsertinə biletlər 15 gün ərzində bitib.