Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
27 May 2020


İnsan böyük imtahan qarşısındadır - Kamal Abdulla

Ana səhifə Kult Müsahibə
12 Punto 14 Punto 16 Punto 18 Punto

Kult.az xalq yazıçısı, əməkdar elm xadimi, Azərbaycan Dillər Universitetinin rektoru Kamal Abdullanın Pressklub.az-a müsahibəsini təqdim edir:

– Kamal müəllim, bütün dünyanın ritmini, sosial həyatı iflic etmiş koronavirusla bağlı nə deyərdiniz, hansı hissləri keçirirsiniz?

– Hamı kimi, mən də bu bəlanın tezliklə uzaqlaşacağını düşünürəm. Mənə elə gəlir ki, Azərbaycanda bunun üçün hər kəs – Prezidentdən tutmuş, bu məsələyə ağıllı, müdrik yanaşan vətəndaşlara qədər – doğru-düzgün addımlar atır. Prezidentimizin, nazirliklərimizin – Əmək və Əhalinin Sosial Müdafiə Nazirliyinin işçilərinin, Nazirlər Kabinetinin, Nazirlər Kabineti yanında Operativ Qərargahın, TƏBİB-in əməkdaşlarının, həkimlərimizin, polislərimizin fəaliyyəti göz qarşısındadır. Bu şəxslərin və qurumların gördüyü işlər təqdirəlayiqdir və mən arzu edirəm ki, bütün dünya, təbii ki, Azərbaycan da daxil olmaqla, bu bəladan tezliklə yaxasını qutarsın.

Belə məqamlarda dövlətin və toplumun önündə gedən şəxsiyyətlərin dəstəyi, məsləhətləri insanlar üçün vacibdir. Həmvətənlərinizə hansı məsləhətləri verə bilərsiniz?

– Belə məqamlarda ancaq dövlətin ətrafında sıx birləşməklə nəyəsə nail ola bilərik. Hər kəs ağlına gələni etməyə başlasa, o zaman xaos yaranar. Qanun var, onun çərçivəsi var, dövlət sənə deyir ki, bunun yolu budur, belə etmək lazımdır. Yəni evdə oturmaqdan başlamış, şəxsi gigiyenaya qədər, qoyulan qaydalara əməl etmək lazımdır. Ümumiyyətlə, biz yəqin ki, bu bəla ilə bu və ya başqa şəkildə yaşamağa alışmalıyıq. Buna görə də öz gigiyenamızı, ünsiyyət, bir-birimizlə görüşmək, sağollaşmaq qaydalarımızı, ətraf mühitlə əlaqələrimizin tənzimlənməsini bir daha nəzərdən keçirməliyik.

Karantin rejimində vaxtınızı necə keçirirsiniz, yeni əsərlər üzərində işləyirsinizmi?

– Mən evdə otururam, yaradıcılıqla məşğulam. Universitetimizin onlayn sisteminə qoşulmuş proseslərə nəzarət edirəm. Və tələbələrlə müəllimlərin ünsiyyətinin bu şəkildə də olsa, qırılmamasına çalışıram.

Öz kitablarınız da daxil olmaqla, oxumaq üçün tövsiyə edəcəyiniz və özünüzün də oxumaq istədiyiniz kitablar hansılardır?

– Bilirsinizmi, buna kifayət qədər asudə vaxt demək də doğru deyil. Sanki bu, ilk baxışdan asudə vaxt kimi görünür. Amma bu vaxtın gərginliyini, mənfi məqamını insan gözünün qarşısına gətirəndə, bu, o qədər də sənin istifadə edə biləcəyin vaxt anlamına gəlməz. Bu, məzuniyyətə çıxmaq deyil, sadəcə olaraq, müəyyən ağır bir dönəmi yaşamaq deməkdir. Nə cür yaşamaq isə hərənin özündən asılıdır. Əgər düşünsək ki, bizim vaxtımız çox olsa, evdə nəsə edərik, mənə elə gəlirki, bu, düzgün baxış deyil. Bunun özünün mənəvi çətinliyi və ağırlığı az deyil. İnsan böyük bir imtahan qarşısındadır və mən bir dəfə də bu barədə yazmışdım ki, bu imtahanı ləyaqətlə yaşamaq lazımdır.

Tarix
2020.04.16 / 14:50
Müəllif
Kult.az
Şərhlər
Digər xəbərlər

Mən karantində deyiləm – Vilayət Quliyev

Koronadan 2 il sonra dünyanı bölüşdürəcəklər - Müsahibə

İsayev xəbərdarlıq etdi: Toyları təxirə salın, çörək alarkən...

Xalq artisti Bakıya qayıtdı: Diz üstə çöküb...

Hər şeyi qurban verməyə hazıram, təki... - İlham Rəhimov

Ruhi Əliyeva millət vəkilliyinə namizəd olacaq?

Döyüşdən əvvəl Şah Sultan Səlimə nə deyib? - Video

Bütün gün bununla məşğuluq, amma kimsə bilmir – Nazir

Açığı, gözləmirdim ki, bu qədər işləyəcəyəm - Əbülfəs Qarayev

TV-lərdə biabırçılıq baş alıb gedir: ar-namus... – Xalq artisti

KULT
<>
Xəbər xətti
 
  
  
  
  
yatsan
Axar.az'da reklam Bağla
Reklam
Bize yazin Bağla