Hər bir insan kimi mənim də bu həyatda qazandıqlarım qədər itirdiklərim olub. Təbii ki, həyatda ən pis itki - insan itkisidir.

Bu sözlər müğənni Manaf Ağayevin Axar.az-a göndərdiyi press-relizdəndir. Müğənni yeni mahnısından və dostluq münasibətindən söz açıb:

"Heç kimə insan itkisi arzu etmirəm. Tanıyanlar bilir ki, mən dost üçün canımdan keçərəm. Yaxşı və pis günündə dostun yanında olan biriyəm, amma zamanla mənim dostluğuma naxələf çıxanlar da olub. Məhz bu gün təqdim etdiyim "Daha yaşım o yaş deyil" adlı mahnıda az da olsa, yaşadıqlarım əks olunub. Düşünürəm ki, bu mahnının repertuarımda xüsusi yeri olacaq".

Qeyd edək ki, "Daha yaşım o yaş deyil" adlı bəstənin sözləri Rauf Sübhiyə, musiqi və aranjimanı isə Rabil Səfərliyə məxsusdur.