Aşıqlıq çox böyük sənətdir. İndi bəziləri var, sazı ayağında çalır. Belə şey etmək olmaz, bu, saza hörmətsizlikdir.

Axar.az xəbər verir ki, bu sözləri Aşıq Əli sazla ifa zamanı müxtəlif hərəkətlər edənlər haqda "Ondan sonra" verilişində danışarkən deyib. O, aşıqların geyimi haqda da danışıb:

"Sazı uzaq başı çiyinə qədər qaldırmaq olar. İndi ansamblın müşayiəti ilə saz çalırlar, buna pis baxmıram. Bu da saza bir gözəllik verir. "Aşıqların xüsusi geyimi olmalıdır" söhbətinə gəlincə, haradasa 6-7 il bundan əvvəl aşıqlar olaraq Fransaya səfər edəndə soruşmuşduq ki, səhnəyə çıxanda nə geyinək? Onlar bizə dedilər, nə istəyirsiniz geyinin, sizin elə böyük sənətiniz var ki, onsuz da geyiminizə baxan olmayacaq".