Həkim dedi, o evdən çıxmasan öləcəksən.

Bu sözləri müğənni "Lalə qızlar" ansamblının keçmiş üzvü Elmira Əliyeva səhhəti ilə bağlı Axar.az-a danışarkən deyib.

O, heç kəsin ona kömək etmədiyini bildirib:

"Heç kim mənə kömək etmir. Televizora da çıxdım Xoşqədəmin verilişinə, amma yenə də xeyri olmadı. Ciyərimə su yığılıb. Ürəyim də başqa tərəfdən. Hal-hazırda xəstəxanadayam. Həkim deyir, qayıtma o evə, qayıtsan, öləcəksən. Evim nəmişlikdi, uçub-dağılır. Üstəgəl böyük oğlum balaca oğlumla yola getmir. Gündə davadır. 3 dəfə bıçaqlaşma düşüb. Əgər biz o evdən çıxmasaq, evdə ölüm hadisəsi də baş verə bilər. Dərmanlara pulum çatmır, qalmışam küçələrdə. Yalvarıram, mənə kömək etsinlər. Fəryadımı eşitsinlər".