Tez-tez efirə çıxıb neçə minlik avtomobillərini reklam edirlər.

Axar.az xəbər verir ki, bu sözləri “Natiq ritm” qrupunun rəhbəri, əməkdar artist Natiq Şirinov “ATV maqazin onlarla” verilişində şou-biznes nümayəndələri haqda danışarkən deyib. O, bəzi məşhurların hərəkətlərinin insanda nifrət hissi oyatdığını bildirib:

“Nəyinisə göstərmək ayıbdır. Əgər onlar bilsələr ki, belə etməklə özlərinə nifrət oyadırlar, bunu etməzlər. Mən neçə ildir şəraitsiz yerdə məşq edirəm. Lazım olsa, giley edərdim, amma etmirəm. Deməli, mənim qismətim budur, Allah mənə bunu layiq bilib. Şükür ki, işlərimi görə bilirəm”.