Mərhum xalq artisti Məmmədbağır Bağırzadənin oğlu Rahim Bağırzadə müflis olmasından danışıb.

Teleqraf.com xəbər verir ki, Rahim Bağırzadə 5/5 verilişində 100 min manat borcu olduğunu və intihar etmək istədiyini etiraf edib:

“Mən bir adamdan pul aldım, amma biznesimiz alınmadı. Həyatda heç kim heç nədən sığortalanmayıb. Çox böyük ziyana düşdüm. Borcumu da bağlayacam. Nardaran camaatı arxamdadır. 500 minə yaxın borcum var idi. Atamın bağ evini satıb, bir qismini ödədim. İndi 100 min borcum qalıb. Əsəblərim çox pozulub. Özümə qəsd etmək istədim. İmkan vermirlər ki, oxuyub pulumu qazanım. Məni dələduzluqda ittiham edirlər. Bu, düzgün deyil axı. Üç övladım var. Biznesdir, belə şey hamının başına gələ bilər. Nardaranda torpağım var, satıb, borcumu qaytaracam. Güclə atamın adını saxlayıram. Biznesə atıldım, çox böyük səhv elədim”.