Türkiyəli məşhur müğənnilər Bülənd Ərsoy və Emel Sayın arasında olan 35 illik dava yenidən gündəmə gəlib.

Axar.az xəbər verir ki, Emel Sayının konserti zamanı dinləyicisi ona işarə edərək, “baxın, əsl Diva budur”, - deyib. Müğənni buna cavab olaraq “Divanın saxtası da olur?” deyib və daha sonra sözlərinin yozulmamasını, zarafat etdiyini bildirib.

Bu haqda mətbuata açıqlama verən Bülənd Ərsoy qarşı tərəfi tənqid edib:

“Guya zarafat edirmiş! İllər əvvəl mənim haqqımda dediyi sözlər də zarafat idi? Özünü nağıl şahzadəsi hesab edir. Haqqımda dayanmadan danışan, qalmaqal yaradan odur, mən deyiləm”.

Qeyd edək ki, iki müğənni arasındakı dava 35 il əvvəl Emel Sayının “Bülənd Ərsoyun qadın paltarları geyinib gəzməkdən sənətlə məşğul olmağa vaxtı qalmayıb” sözlərindən sonra başlamışdı.