Fikirlərimi toplaya bilmirəm.

Kult.az xəbər verir ki, bu sözləri müğənni-bəstəkar Murad Arif Suriyada yaşanan qətliam haqda rəsmi Feysbuk səhifəsində yazıb. O, daha dözə bilmədiyini bildirib:

“Yediyimin, içdiyimin dadı yoxdur. Bütün günü cari işlərim üçün ora-bura qaçdım. Bir proqramda da qonaq oldum. Fikirlərimi toplaya bilmirəm. Dağınıq düşüncələrim dilimə dolaşır. Allahım, sinəmizdən bir daş asmısan. Bu dünyada körpələr qırılır! 10-20-30-100-lərlə... Hər gün... Zəhərlənir, güllələnir, partladılır, Allahım, axı sən hər şeyi görənsən! Bu dünyanı ya yaşamalı məkan elə, ya hamımızı sil yer üzündən. Ya da bir yol göstər mənə. Nə edə bilərəm ki, belə olmasın. Bir çarə qıl, ya Rəbb!”

Qeyd edək ki, Suriyanın İdlib şəhərinə rejim tərəfindən xlor qazı ilə zəngin bombaların atılması nəticəsində azı 100 nəfər ölüb, 500 nəfər yaralanıb.