“Ritm bəstəkarı” adının təməlini qoyan ilk insanam.

Kult.az xəbər verir ki, bu sözləri “Natiq” ritm qrupunun rəhbəri, əməkdar artist Natiq Şirinov sənətdə yaşadığı çətinliklər haqda “Ev gördü” verilişində danışarkən deyib. O, çox çətinliklər yaşadığını bildirib:

"Vaxtilə məndən böyüklər mənə gülürdülər, lağ edirdilər. Deyirdilər ki, nağaranı ayaqlarının arasına qoyur, afrikasayağı, italyansayağı çalır. İllər keçdi və elm öyrəndik. Elmi olmayan insan həyatda yox kimidir. Həmin lağ edənlər illər sonra gördü ki, elm üstündür. İndi təzə-təzə qruplar çıxıb. Adlarını öz adları ilə adlandırırlar. Mənim qrupumun adı mənim adıma görə deyil ki! “Natiq” sözünün mənası var, natiq ifaçılarıq biz. Adımla uyğun gəldi, qoydum.

Nağarada 5 ritm var. Bunu nağara çalanlar bilir. Amma ritmin mənası başqadır. 1-dən başlayıb milyonda qutarır, bitmiş bir fikrə ritm deyilir. Bunun açıqlamasını şəxsən özümüz yazmışıq. Ritm böyük bir elmdir”.