Puertorikolu ifaçı Luis Fonsi və repçi Deddi Yanki tərəfindən ifa olunmuş “Despasito” mahnısına çəkilmiş klip Yutub portalında son yeddi ayda üç milyarda yaxın baxış sayı toplayıb və saytın tarixində ən çox izlənən video olub.

Axar.az xəbər verir ki, bu göstərici ötən ay ən çox baxış sayı yığmış repçi Uiza Xəlifə və Çarli Putun "Yenidən görüşənədək" (“See you again”) klipini üstələyib. Hazırda “Despasito” klipinə baxış sonuncu göstəricidən üç milyon daha çoxdur.

“Despacito” mahnısı “Billboard Hot 100” mahnı çartında 12 həftədir ki, birinciliyi qoruyub saxlayır. İyul ayında mahnıya 4,6 milyard dəfə qulaq asıblar.