Azərbaycanın xalq artisti Tofiq Bakıxanovun musiqi əsərləri Hollandiyanın Haaqa və Qroningen konservatoriyalarında səsləndirilib.

Kult.az xəbər verir ki, bu barədə Diasporlarla iş üzrə Dövlət Komitəsi məlumat verib.

Məlumatda layihənin Niderland Krallığında fəaliyyət göstərən “Odlar Yurdu” Azərbaycan-Niderland Cəmiyyəti tərəfindən həyata keçirildiyi bildirilib.

Yaxın vaxtlarda Azərbaycan musiqisinin digər görkəmli nümayəndələrinin də əsərlərinin Niderlandın musiqi təhsili verən məktəblərinə, həmçinin kitabxanalarına təqdim ediləcəyi planlaşdırılır.

Qeyd edək ki, artıq 10 ildir fəaliyyət göstərən “Odlar Yurdu” Cəmiyyəti bu müddət ərzində ölkəmizin Avropanın aparıcı dövlətlərindən biri olan Niderlandda tanıdılması istiqamətində müxtəlif tədbir və konsertlər təşkil edib, uğurlu layihələrə imza atıb.