Bu gün Muğam Mərkəzində Mərakeş Krallığının təşkil etdiyi ənənəvi Fez festivalı keçirilib.

Kult.az xəbər verir ki, Heydər Əliyev Fondunun dəstəyi ilə reallaşan festivalı Mərakeş Krallığının ölkəmizdəki fövqəladə və səlahiyyətli səfiri Məhəmməd Adil Embarş açıq elan edib.

Cənab səfir Azərbaycanla Mərakeş arasında mövcud olan ikitərəfli münasibətləri yüksək qiymətləndirib və ölkələr arasında mövcud olan körpünün güclü dayaqlara söykəndiyini vurğulayıb. Səfir həmçinin tədbirin fəxri qonağı xanım Leyla Əliyevaya festivalda iştirakına görə dərin minnətdarlığını bildirib.

Daha sonra festival Əbdülrəhim Əbdülmöminin rəhbərliyi ilə Mərakeşdən Bakıya təşrif buyuran musiqi qrupunun ifası ilə davam etdirilib. Dörd hissəli proqram boyu bir-birindən maraqlı ifalar iştirakçıların könlünü oxşayıb.

Tədbirdə həmçinin Murad Hüseynov, Əbülfəz Qarayev və digərləri də iştirak edib.